Mii bargat ovddidit geavaheaddjimielváikkuheami ja vahátunnideaddji gárrenmirkopolitihka man vuođđun leat olmmošvuoigatvuođat. Min bargat kriminálahuhttima ja lágalaš regulerema ovddas Foreningen human ruspolitikk (Humána gárrenmirkopolitihka searvi) lea guovddážis digaštallamis gárrenmirkoođastusa, substitušuvdnadálkkodeami ja vahátunnideami birra, ja leat ožžon olu dohkkeheami dasa.
Mii lea lea olu aktivitehta medias, lágidemiin, oktavuođas politihkkariiguin ja oassálastit olu referánsajoavkkuide, áššedovdijoavkkuide, geavaheaddjijoavkkuide ja bargojoavkkuide. Mis lea viiddis ovttasbargu eará organisašuvnnaiguin ja almmolaš ja ideála instánssaiguin. Dát váikkuhanbargu lea guovddážis midjiide.
Máhtu gaskkusteapmi lea vuoruhuvvon. Mii leat dehálaš máhtto- ja resursabáŋku geat veahkehit gaskkustit gelbbolašvuođa áigeguovdilis bargguide, sihke bálvalusapparáhtas, muhto maiddái vuogádat- ja politihkalaš dásis. Mii addit studeanttaide ja dutkiide veahki prošeavttaide, bargguide ja jearahallamiidda, ja mii doallat logaldallamiid oahppoásahusain.
Foreningen for human ruspolitikk (humána gárrenmirkopolitihka searvi) bargá maiddái sihke gárrenmirkogeavaheddjiid ja oapmahaččaid bealis, hástalusaid ja jienaid gaskkustemiin vuogádatdásis. Mii leat bellodatpolitihkalaččat neutrálat. Dát lea mearriduvvon min njuolggadusain. Mii váldit mielas vuostá oktavuođaid buot bellodagaiguin mat váldet oktavuođa minguin, ja ovttasbargat politihkkariiguin sihke báikkálaččat ja riikkaidgaskasaččat, áššiin maiguin mii oaivvildit lea dehálaš ovttasbargat.
Mii bargat ohcaladdamiin daid rabas gárrenmirkobirrasiin, ja juohkit áigeguovdilis geavaheaddjibiergasiid, ja dieđuid njoammuneastadeami, vahátunnideami ja beare stuora meari váldima vára birra. Mii juohkit maiddái fentanylaid ja nitazenaid iskkusstiellasiid, ja juohkit, ja oahpahit geavahit vuostemirkko Nalokson. Mii veahkehit maiddái oažžut oktavuođa almmolaš veahkkeapparáhtain.
Mis leat máŋga bargi ja prošeavtta ja viiddis ovttasbargu eará organisašuvnnaiguin ja instánssaiguin.